مستني

في زحمة المدينة قلبي كبر ونمى

طاف بين البحور و صاحب القمر في السما

غني أغاني كتيرة مش متلحنة

ورسم صور كتيرة مش متلونة

في حاجة كتماني أية هي مش متبينة

يمكن صوتي الضعيف نفسي يوصل لفوق في الملا

يمكن دموعي؟؟ بس البكا دة نعمة من ربنا

يمكن سكوتي ماهو السكوت بيتعب أنما

نفسي أحلم بس عارف خلاص الأحلام كمان مش ممكنة

أصلها بقت ممنوعة و محرمة و كمان مؤلمة

والضحكة خلاص هي كمان مبقتش متبسمة

و برضة لسة الغنوة متيتمة

فعلا الحقيقة بقت دلوقتي محزنة

وبقي خلاص البكا ده شئ عادي

وبرضة أنا لسة بنادي حتي لو مش عارف علي مين بنادي

بزعق بعلي في صوتي بغني لبلادي

بقول يا رب بقول يا بلدي بقول يا .... حقول أية تاني

مش لاقي معاني عجباني 
 
مهي الدموع علي طول و خداني

والحزن سكني حتي في كلامي

سرق مني كل الأماني

غير قدامي كل المعاني

 وشال الألوان من كل أيامي

وخلي  الأحزان علي طول سرقاني

مغمياني و أنا صاحي و محوطاني في أحلامي

بس بردو مش هبطل أحلم مش هقول نصيبي وزماني

هستني بكرة يمكن تزقزق العصافير من تاني

أكيد حيجي بكرة بس أمتي ؟؟

ما هو جي جي يعني هيجي أيه تاني؟؟؟