يا نسيم يناير عالينا هل
شمس االثورة راجعة تطل
دم الشهداء بيقويها
صوت الفقرا راح يحميها
من الي سرقها والي ركبها
من الي باع دم ولادها
شهداء بتكتر
ثورة بتكبر
جية تزيح حكم العسكر
يسقط يسقط حكم العسكر
يبنى السجن في كل مكان
نزرع وردة في كل ميدان
نرفض أبدا أننا ننهان
أو من تانى مصرنا تتذل ...
دم الشهداء جيه على أيدك
بين وشك
وفضح غشك
أثبت أنك .. زي سيدك
كل كلامكم كدب و وهم
لفق ... زور ... أسرق ... غم
أقتل و أحرق قلب لأم
دم الشهداء جي يثور
حالف أنه يشوف النور
دم مينا ويا حسين
دم واحد مش أتنين
حلم واحد مش حلمين
دم يطهر دم يغير
دم يقدم الي أتأخر
دم حيرسم مصر جديدة
مصر حرة مش ذليلة
دم حيرسم مصر النصر
صلاة في كنيسة و أذان عصر
دم حيرسم نهر النيل
نهر بينبع من التحرير
No comments:
Post a Comment